ഞാൻ സാപ്പിയൻ

മതേതര വിവാഹം അല്ലെങ്കിൽ "മിശ്ര" വിവാഹം നമ്മുടെ നാട്ടിൽ എപ്പോഴും കത്തുന്ന വിഷയമാണല്ലോ. അഖില ഹാദിയ ആയപ്പോൾ ഉണ്ടായ പുകിലുകൾ കേരളം കണ്ടതാണ്. 24 വയസുള്ള അഖില മുസ്‌ലീം വിഭാഗത്തിൽ പെട്ട ഷെഫിൻ ജഹാനെ വിവാഹം ചെയ്തത് തന്റെ അറിവോടും സമ്മതത്തോടും കൂടെയാണെന്ന നിലപാടിൽ ഉറച്ചു നിന്നിട്ട് പോലും, ഹൈക്കോടതി ആ വിവാഹം റദ്ദ് ചെയ്യുകയാണുണ്ടായത്. എങ്കിലും, സുപ്രീംകോടതിയിൽ ഈ വിവാഹം അംഗീകരിക്കപ്പെടുകയായിരുന്നു. അതുപോലെ, ശ്രുതിയുടെ മതേതര വിവാഹം സംബന്ധിച്ചും പിന്നീട് നടന്ന അന്വേഷണങ്ങളിൽ മത പരിവർത്തന കേന്ദ്രങ്ങളിൽ നടക്കുന്ന പീഡനങ്ങളും വെളിവാക്കപ്പെട്ടു. ഏതു മതവും തിരഞ്ഞെടുക്കാനോ ഉപേക്ഷിക്കാനോ, മതം നോക്കാതെ വിവാഹം കഴിക്കാനോ ഉള്ള വ്യക്തികളുടെ അവകാശത്തെ സംരക്ഷിച്ചു നിർത്തുന്നതിൽ യാഥാസ്ഥിതിക സമൂഹം വിലങ്ങു തടിയാണ്. ഈ സംഭവങ്ങളിലൂടെ പ്രബുദ്ധ കേരളത്തിന്റെ അന്തർലീനമായ മതപ്രാന്ത് മറനീക്കി പുറത്തു വരുന്നു. പൊതു ഇടങ്ങളിലെ ചർച്ചകളിലും എഴുത്തുകളിലും അതു പ്രകടമായിരുന്നു. എങ്കിലും, ഇത്തരം കേസുകൾക്കൊടുവിൽ അർഹതപ്പെട്ടവർക്ക് നീതി ഉറപ്പാക്കപ്പെടുന്നത് സന്തോഷകരമായ കാര്യം തന്നെ. 1954-ലെ സ്‌പെഷ്യൽ മാര്യേജ് ആക്റ്റ് (Special...

'ദി ഗ്രെയ്റ്റ് ഇന്ത്യന്‍ കിച്ചന്‍' അത്ര മികച്ച സിനിമായൊന്നുമല്ല ! വല്ലാതെ ലാഗ് അടിപ്പിച്ചു കളഞ്ഞു. എപ്പോഴും നമ്മളെ മാത്രം എന്താ വിമര്‍ശിക്കുന്നത്?? മറ്റവരെ വിമര്‍ശിക്കാന്‍ പേടിയാണല്ലേ..? ഇവന്മാര്‍ക്ക് ചാക്കിലിട്ട സ്ത്രീകള്‍ എന്ന പേരില്‍ ഒരു സിനിമ എടുക്കാന്‍ പറ്റുമോ? സിനിമയില്‍ കാണിക്കുന്ന അത്ര പ്രശ്‌നം ഒന്നും ഒരു കുടുംബത്തിലുമില്ലല്ലോ... ആര്‍ത്തവം ഒന്നും ഇന്ന് ഇത്ര പ്രശ്‌നമല്ല... ഈ സിനിമയില്‍ എല്ലാത്തിനും അതിഭാവുകത്വം ഉണ്ട്... എന്നിങ്ങനെ... നിരവധി നെഗറ്റീവ് അഭിപ്രായങ്ങള്‍ പലരും പടച്ചു വിടുന്നുണ്ടല്ലോ. ഈ കക്ഷികള്‍ക്ക് സിനിമയെ മനസിലാകാതെ പോകുന്നു എന്നുള്ളതില്‍ ഒരത്ഭുതവും തോന്നുന്നില്ല. അവനവന്റെ പഴകിയ തലച്ചോര്‍ കാലികമായി Update ചെയ്യാത്ത പക്ഷം, ഇത്തരം സിനിമകളുടെ സത്ത ഉള്‍ക്കൊള്ളാന്‍ പറ്റണം എന്നില്ല. സിനിമയില്‍ ഉടനീളം വിസ്മയം തീര്‍ത്ത സംവിധായകന്‍ Jeo Baby തന്നെ പറയുന്നു... " Thanks to science " എന്ന് കാണിച്ചുകൊണ്ട് സിനിമ തുടങ്ങാന്‍ തോന്നിയത് പോലും സാമാന്യബോധമുള്ളതുകൊണ്ടാണ് എന്നാണ്. By Source ( WP:NFCC#4 ), Fair use , Link എങ്ങനെയെല്ലാം...സമൂഹം പുരോഗമിക്കുമ്പോഴും..., ഏത്...

#A_divorced_daughter_is_better_than_a_dead_daughter ...എന്ന വാചകം സോഷ്യല്‍ മീഡിയയില്‍ പ്രചരിച്ചിരുന്നല്ലോ. ഉത്രയുടെ മരണവുമായി ബന്ധപ്പെട്ട് കേരളം ഇപ്പോള്‍ ഡിവോഴ്‌സിന്റെ (Divorce) പ്രാധാന്യത്തെക്കുറിച്ചും ചര്‍ച്ച ചെയ്തു തുടങ്ങിയിരിക്കുന്നു. നമ്മുടെ സമൂഹം ഇപ്പോഴും വിവാഹ ബന്ധങ്ങള്‍ വേര്‍പിരിയുന്നത് ഒരു പാപമായിട്ടാണ് കാണുന്നത്. 'കെട്ടി അയക്കപ്പെട്ട' പെണ്ണ് തിരിച്ചു വീട്ടിലെത്തിയാല്‍, നാട്ടുകാരൊക്കെ മൂക്കത്ത് വിരല്‍ വെക്കും. 'അവളെ ഓന്‍ ഒഴിവാക്കിയതാണ്';      'ഓ...അവളെ കാര്യം തീര്‍ത്തതാണ്' എന്നെല്ലാം അവര്‍ പരസ്പരം അടക്കം പറയും. ഉമ്മറത്ത് ചാരുകസേരയില്‍ ചാരിയിരുന്ന്  ദിവസേനയുള്ള അച്ഛന്റെ ദീര്‍ഘ നിശ്വാസവും, മുറ്റമടിക്കുന്ന ചൂലുകൊണ്ട് മണ്ണില്‍ ദേഷ്യം കോറിയിടുന്ന അമ്മയുടെ സങ്കടം പറച്ചിലും കേട്ടായിരിക്കും അവള്‍ എന്നും എഴുന്നേല്‍ക്കുന്നത്. സ്വയം പരിതപിച്ചും കുറ്റപ്പെടുത്തിയും ആവാം അവള്‍ ഉറങ്ങാന്‍ കിടക്കുന്നത്. കുടുംബത്തിന്റെ അന്തസ്സും പേറി, ജനിച്ച് ജീവിക്കുന്ന ഓരോ  പെണ്‍കുട്ടികളും സന്തോഷവും സമാധാനവും അറിയുന്നില്ല. ദുരന്തപൂര്‍ണമായ വൈവാഹിക ജീവിതത്തില്‍ നിന്നും മോചിക്കപ്പെട്ടാലു...

കല്യാണം കഴിഞ്ഞാല്‍ ഭര്‍ത്താവിന്റെ വീട്ടിലേക്ക് 'കൂട്ടികൊണ്ടുവരേണ്ട' ഒരു സാധനമാണ് ഭാര്യ. ആയുഷ്‌കാലം പണിയെടുത്ത് ഭര്‍ത്തൃഗൃഹത്തില്‍ ജീവിക്കാം (സ്വയം പഠിച്ചു കണ്ടെത്തിയ ജോലി ഉണ്ടെങ്കില്‍ അതിന് പുറമെ ഉള്ള ബോണസ് ആണ് ഇത്). കല്യാണം കഴിഞ്ഞു, ഭര്‍തൃ വീട്ടുകാരുടെ 'നിന്റെ കൈ കൊണ്ട് ഒരു ചായ ഉണ്ടാക്കി തരൂ മോളെ' എന്ന ഡയലോഗില്‍ തുടങ്ങി ആരംഭിക്കും മിക്കവരുടെയും തൊഴിലുറപ്പ് പദ്ധതി. നന്നായി രുചിയുള്ള ഭക്ഷണം ഉണ്ടാക്കി, മനോഹരമായി സമയത്തിനു വിളമ്പി, വീട്ടിലെ തുണിയൊക്കെ ഒറ്റക്ക് അലക്കി, മുറ്റമടിച്ച്, അന്തര്‍ജ്ജനമായി പതിഞ്ഞ സ്വരത്തിലും ഉയര്‍ന്ന അച്ചടക്കത്തിലും ജീവിക്കുകയാണെങ്കില്‍ 'നല്ല വീട്ടമ്മ' പട്ടം കിട്ടും. മേല്‍ പറഞ്ഞവയില്‍ പൂര്‍ണ്ണമായും കുഴപ്പമുണ്ടെന്നു ചിന്തിക്കുന്നവരുടെ എണ്ണം വളരെ വിരളമാറ്റിരിക്കും. എങ്കിലും ഏറിയ പങ്കും...ചില കാര്യങ്ങളിലെങ്കിലും മാറ്റങ്ങള്‍ ആഗ്രഹിക്കുന്നുണ്ടാവാം. ഈ അടുത്ത് 'ആനീസ് കിച്ചന്‍ ' പരിപാടിയുടെ വീഡിയോ ക്ലിപ്പുകള്‍ കാണിച്ചു കുറെ ട്രോളുകള്‍ ഇറങ്ങിയിരുന്നു. രണ്ടു സിനിമാ നടികളുമായി വ്യത്യസ്ത സമയങ്ങളില്‍ അവതാരക നടത്തിയ സംഭാഷണ ശലകമാണ് അങ്ങോളമിങ്ങോളം...

ഹൈദരാബാദ് യൂണിവേഴ്‌സിറ്റിയിലെ കുളം വറ്റി തുടങ്ങിയപ്പോള്‍... സുഹൃത്തുക്കളുമായി മീന്‍ പിടിക്കാന്‍ പോയി. ചളിയില്‍ വാരിപ്പൊത്തി കുറേ ബ്രാല്‍/വരാല്‍ (Snake headed/ Murrel fish) മത്സ്യങ്ങളെ കിട്ടി. കൂട്ടത്തില്‍ കിട്ടിയ ചെറിയ മീനുകളെ തിരിച്ചയച്ചു ഹോസ്റ്റലില്‍ എത്തിയപ്പോഴാണ്...അന്നത്തെ പത്രത്തില്‍ ഈ ബ്രാല്‍ കുഞ്ഞുങ്ങളുടെ ഫോട്ടോ കാണുന്നത്. ഒരു കുട്ടിയുടെ അണ്ണാക്കിലേക്ക് ഒരുത്തന്‍ ചെറുമീനിനെ തള്ളിക്കയറ്റുകയാണ്. മുമ്പെങ്ങോ വന്‍ സംഭവമായി കേട്ടിരുന്ന ഹൈദരാബാദ് മീന്‍ വിഴുങ്ങളിലെ കേന്ദ്ര കഥാപാത്രം നമ്മടെ ബ്രാല്‍ ആയിരുന്നോ ?? ആസ്ത്മ രോഗിയായിരുന്ന കാലത്ത്... പങ്കജകസ്തൂരി, ഔഷധ ബനിയന്‍, ദേവിക്കുള്ള ബക്കറ്റും കയറും തുടങ്ങി പലരും ശുപാര്‍ശ ചെയ്ത വിവിധ പാക്കേജുകളില്‍ ഒന്നായിരുന്നു ഈ മീന്‍ വിഴുങ്ങലും. മുന്‍പ് കരുതിയത് ഇതു വല്ല സ്‌പെഷ്യല്‍ മീന്‍ ആവും എന്നായിരുന്നു. സംഭവം തുടര്‍ന്ന് വായിച്ചപ്പോഴാ പിടി കിട്ടിയത്. ഒരു പ്രത്യേക ഔഷധ കൂട്ട് ജീവനുള്ള മീനുകളുടെ വായില്‍ തിരുകും. എന്നിട്ട് ആ മീനിനെ ജീവനോടെ മറ്റുള്ളവരുടെ അണ്ണാക്കിലേക്ക്. അപ്പൊ സസ്യഭുക്കുകള്‍ എന്ത് ചെയ്യും !. അതിനും വഴിയുണ്ട്. അവര്‍ക്ക് മീന്‍ അല്ലാതെ വേറെ...

അടുത്തിടെയാണ് ന്യൂസ് 18-ൽ പാലക്കാട്ടിലെ കൊല്ലങ്കോട് എന്ന സ്ഥലത്ത് ചിങ്ങൻ ചിറ ക്ഷേത്രത്തിലെ മൃഗ (പക്ഷി) ബലിയെക്കുറിച്ച് ഒരു വാർത്ത വന്നത്. ഈ വർഷം ഏപ്രിൽ മാസത്തിൽ ഇതേ ക്ഷേത്രം മാതൃഭൂമിയിലും ഒരു വാർത്തയായിരുന്നു. അത് നെന്മാറ സി.ഐ യുടെ നേതൃത്വത്തിൽ നടന്ന മൃഗ ബലിയെക്കുറിച്ചായിരുന്നു. എല്ലാ വെള്ളിയാഴ്‌ചയും ഞായറാഴ്ചയും ഇവിടെ ആടിനെയും കോഴിയേയും ബലി കഴിപ്പിക്കാറുണ്ട് എന്നാണ് വിവരം. Photo by Manyu Varma on Unsplash 1968ലെ കേരള മൃഗ, പക്ഷി ബലി നിരോധന നിയമത്തിലൂടെ (The Kerala Animals and Birds Sacrifices Prohibition Act) ഈ ആചാരം സംസ്ഥാനത്ത് നിരോധിച്ചതാണ്. കുറച്ച് വർഷങ്ങൾക്ക് മുൻപ്, മലപ്പുറത്തെ പ്രസിദ്ധമായ കളിയാട്ടക്കാവിൽ നിയമ വിരുദ്ധമായി കോഴികളെ ബലി ചെയ്യുന്നത് ശ്രദ്ധയിൽ പെട്ട ഹൈക്കോടതി അത് തടഞ്ഞു കൊണ്ട് ഉത്തരവ് ഇറക്കിയിരുന്നു. ഇത്തരത്തിൽ ബലി നടക്കാതെ നോക്കേണ്ട ചുമതല പോലീസിനെ കർശനമായി ഏൽപ്പിക്കുകയും ചെയ്തു. കേരള യുക്തിവാദി സംഘം പ്രസിഡന്റ് യു. കലാനാഥൻ സമർപ്പിച്ച ഹർജിയിൽ ആയിരുന്നു നടപടി. 1968ലെ നിയമ പ്രകാരം ക്ഷേത്രത്തിലോ, ക്ഷേത്രാവശ്യങ്ങൾക്ക് ഉപയോഗിക്കുന്ന പരിസരത്തുള്ള സ്ഥലത്തോ കെട്ടിടത്തിലോ (ക്ഷേത്...